مستنى اية ... شارك .. أكتب .. ناقش .. شير..عبر..its my life

facebook.com/deltauniv
 
الرئيسيةس .و .جبحـثالتسجيلالأعضاءالمجموعاتدخول

شاطر | 
 

 صوري وانا صغير.. زي العسل..مش مصدقين ادخلو وقولو رايكو

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
islamy hiaty

avatar

المساهمات : 51
تاريخ التسجيل : 15/10/2011
الموقع : االفردوس الاعلى بجوار حبيبي محمد صلى الله عليه وسلم وامي خديجة

مُساهمةموضوع: صوري وانا صغير.. زي العسل..مش مصدقين ادخلو وقولو رايكو   السبت أكتوبر 15, 2011 11:14 pm

السلام عليكم ورحمة الله وبركاته


جايب لكم انهارده موضوع لاااااااااازم تشوفه للآخر ... وقرر !!!!!!!

الأول نسينا هدى السلف .... كيف حال قلوبكم مع الله .. قبل ما تقرأ أى شئ دور على قلبك الأول عشان تستفيد .. عشان تبكى من حب ربنا ... عشان نتوب مع بعض ... ها قلبك بيفكر فى ايه دلوقتى .. استحضر عظمة الله .. فتش فى قلبك تعرف ايه عن حبيبك ... الله ...

استحضرت قلبك ... تعالى شوف صورى بئى وأنا صغير

هو ده اللى انت جايبنى عشانه ...

انا هقفل الصفحه دى يعم ...
لالالا بالله عليك تعااااااااااااالى كمل معايا ...

نبدأ مستمدين من الله العون والتوفيق والمدد ..

توكلنا على الله

شوف أول صوره ....
ياااااه انا كنت كده .. شايف كنت عامل ازاى .. فين عينك اللى شغاله معاصى من ساعة ما أبصرت محاسن النسوان


هذه الصورة تم تصغيرها ... اضغط هنا لعرض الصورة بالكامل . The original image is sized 650x749 and weights 41KB


يااااااه يا مسكين فين ايديك اللى بترفعها على أبوك وأمك دلوقتى وتتخن صوتك عليهم .. لا راجل ... شوفت كانت عامله ازاى ... ( ولا تقل لهما أف ولا تنهرهما وقل لهما قولا كريما * واخفض لهما جناح الذل من الرحمة وقل رب ارحمهما كما ربيانى صغيرا)

يااااااه انت ده .. كنت عايش فين فى بطن أمك كنت بتاكل من دمها .. وبتتقلب فى رحمها .. لا ايجار انطلب منك ولا أى شئ... ( وبالوالدين احسانا ) هو ده اللى مطلوب منك..

يااااااه انا كنت كده .. حجمى صغير أوى كده .. ومين اللى كان بيرعانى ..ربنا .. الله الذى تتباهى بمعصيته يا مسكين

ياااااااااه من الايه دى ( ثم لتسئلن يومئذ عن النعيم ) انت فاكر النعيم ده فلوس وبس .. زوجه وبس ... ذريه وبس ..
لا يا حبيبى .. بص لنفسك كنت عامل ازاى .. وازاى شكلك بيتغير .. وحجمك بيكبر .. وبدأت تتحرك فى بطن أمك .. بدأت تحس بحركتك وتفرح ان ابنها بدأت تدب فيه الروح بعد أن كان ميتا .. ايوه كنت ميت .. كنت دم عبيط


ياااااااه يا اللى بقيت تتكبر انك تحط راسك فى التراب لربك .. حبيبك .. مش هو ده اللى اداك نعمه اللى عصيته بيها ..شوف عمل فى غيرك ايه عشان تعتبر .......>>>>> ولا أقولك لو عاوز تتوب روح شوف ناس فى قسم الحروق فى أى مستشفى .. والله لتبكين من الندم على تفريطك فى حق من رعاك واعتنى بك وكفاك حرها فى الدنيا .. اللهم حرم أجسادنا على النار... اللهم آمـــــــــــــــــين

مين اللى عافاك وابتلاه .. مش ربه هو ربك .. مش قادر يعمل فينا زى ما عمل فيهم .. اللهم عافنا ولا تبتلنا

متخيل لما ربنا يسألك عن النعيم اللى كنت عايش فيه فى بطن أمك .. هل أديت شكره .. أجب الان .. حضر جوابك .. لانك ستسأل غدا .. والله ( لتسئلن يومئذ عن النعيم) ... تقدر تعد نعمه عليك دلوقتى وورينى اذا كان عملك يوفيها شكر بس عشان نبدأ نشوف هتدخل الجنه بايه ؟!!!!
قال تعالى ( وفى أنفسكم أفلا تبصرون )
اتأمل الايه دى يا حبيبى وابحث عن بديع صنيع الله فى جسدك ...
بعد اربعة اسابيع


لو فكرت بس فى النعمه دى نعمة رعاية ربنا ليك وانت لا تعلم شيئا فى بطن أمك .. أمك حبيبتك .. اللى انت بتعمل فيها ده كله .. أيوه بتعمل فيها اللى محدش يعمله فى الخدامين اللى عنده ...
يعد سبع اسابيع



فوق بالله عليك قبل أن تندم .. قبل الا ينفع الندم ..
( وَاللَّهُ أَخْرَجَكُمْ مِنْ بُطُونِ أُمَّهَاتِكُمْ لا تَعْلَمُونَ شَيْئاً وَجَعَلَ لَكُمْ السَّمْعَ وَالأَبْصَارَ وَالأَفْئِدَةَ لَعَلَّكُمْ تَشْكُرُونَ (78)
سمعك اللى ليل نهار معاصى بيه... شوفه نشأ برحمة ربنا ولطفه ازاى ...


بصرك اللى خونت بيه ربك
اتفرج كانت عينك لونها ايه ...

سبحان من خلق فسوى .. وأحسن وأبدع فتبارك الله أحسن الخالقين .. ده انت كنت كده بس قبل ما تيجى لأرض الشهوات .. والهم .. والنكد ... لكن بعد ما جيت أقولك وصدقنى ممكن تبقى واحد من التلاته اللى هقولك عليهم دول .....

حبيبى من 5 أيام بس لسه دافنين شاب 21 سنه .... ها كان فاكر انه هيموت ده .. لالالالالالالا أبدا

ومن شهر دفنا شاب 30 سنه .... كان فاكر انه هيموت ....
ووالله ربى وربك لسه دافنين شاب جابوه من بلد عروسته ليلة دخلته آعد يرقص ويغنى وهى بتتجمل له عشان العرس المنتظر وقع مات ادام الناس كلها ...... ايه رأيك .. اتكلم تانى ولا كفايه ؟!!
طب انت تفتكر انك ممكن تموت دلوقتى ..
فووووووق بئى قبل ما ييجى الوقت اللى هتصرخ فيه وتقول مش قاااااااااادر أنطقها ... لانك بعدت عنها فى الدنيا .. لا اله الا الله
اسلك درب الصالحين .. كفايه نوم بئى ..
كفايه شكايه من الفتور والكسل يا ملتزمين .. هنفوق امتى لو فضلنا عمرنا كله نشتكى من الفتور والغفله .. لازم تسأل نفسك السؤال ده .. وتحدد جواب .. انت عايش لايه ولمين ومصيرك ايه ...مين هينقذ الناس اللى متعرفش حاجه عن ربنا ونبينا و.. و...و....و..... الى ماالا نهاااااااااايه


( آسف عالاطاله لكن بحبكم فى الله ....)

خد الصور دى كمل ..... ( سبحان الله وبحمده ... سبحان الله العظيم )
الشهر الرابع


اللهم صل على النبى الأمين صلى الله عليه وآله وسلم
الشهر الخامس


أستغفر الله وأتوب اليه ....
الشهر السادس


( لا اله الا أنت سبحانك انى كنت من الظالمين )


لا اله الا الله ..... محمد رسول الله

الشهر الثامن



ردد .... سبحان الخلاق العليم ....
لحظة الولاده







سبحانك ما عبدناك حق عبادتك ...!!!!
بحبك يااااااااااااااااااااااااااااااااااااااااااااااااا ااااااارب ....
اللهم لا تجعلنى جسرا يعبرون به الى الجنه ثم يطرح فى النار ) ( اللهم ارزقنا الاخلاص فىالنيات و الأقوال والأعمال يا حنان يا منان ياذا الجلال والاكرام)
(اللهم يا مقلب القلوب ثبت قلبى على دينك )

منقوووووووول



الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
صوري وانا صغير.. زي العسل..مش مصدقين ادخلو وقولو رايكو
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مستنى اية ... شارك .. أكتب .. ناقش .. شير..عبر..its my life :: الأكاديمية والجامعة أجمل مافى حياتنا :: المعهد العالى للخدمة الإجتماعيــة بالمنصــورة-
انتقل الى: