مستنى اية ... شارك .. أكتب .. ناقش .. شير..عبر..its my life

facebook.com/deltauniv
 
الرئيسيةس .و .جبحـثالتسجيلالأعضاءالمجموعاتدخول

شاطر | 
 

 حوار جامد جدا بين ..............الفيروس واحنا...............

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
....



المساهمات : 356
تاريخ التسجيل : 18/01/2012
العمر : 28

مُساهمةموضوع: حوار جامد جدا بين ..............الفيروس واحنا...............   الأربعاء فبراير 01, 2012 12:42 am

الفيروس يصرح : جربت أدخل جسم مواطن مصري
تفاصيل المباحثات المشتركة مع الميكروبات المصرية !



احنا : اهلا و سهلا يا عم الفيروس
الفيروس: اهلا اهلا ...
احنا : لو سمحت ياريت تعرف اخوانا القراء بنفسك..
الفيروس: اسمي في البطاقة h5 .. و اسمي الفني ( فيروس انفلونزا الطيور)..
احنا : ما هو محل الاقامة ؟
الفيروس: محل الاقامة مش ثابت للأسف.. اصلي غاوي سفر بيني و بينك..
احنا : طيب ما هو محل الميلاد ؟
الفيروس: أنا اتولدت أساسا في جنوب شرق آسيا.. قول في الصين كده..
احنا : كلمنا عن نفسك شوية..
الفيروس: أنا فيروس عادي زي أي فيروس في الساحة الطبية.. بس كل ما هنالك إني وجه جديد و انت عارف بقى و سائل الاعلام بتهتم بكل ما
هو جديد..
احنا : إيه الجديد اللي قدمته ؟
الفيروس: يمكن الجديد إني غاوي فراخ و بط و وز..و شهيتي مفتوحة حبتين .. بس كده..
احنا : طيب إيه اللي جابك عندنا يا استاذ h5 ؟
الفيروس: أبدا.. لقيت كل حاجه بتجيلكم من الصين و انتم فرحانين بيها.. فلت آجي أنا يمكن ترحبوا بيا أنا كمان !
احنا : نرحب بيك ؟ يعني جاي تخرب بيتنا و نرحب بيك ؟؟ تيجي ازاي دي ؟
الفيروس: يا بيه مالبضايع اللي جايالكم من الصين جايه تخرب بيتكم هيا كمان, و فرحانين بيها و طايرين بيها.. اشمعنه انا يعني ؟؟
احنا : مش واخد بالي ..
الفيروس: اسمع يا سيدي.. البضايع الصيني دي مش جاية تضرب الصناعة و الاقتصاد المصري ؟
احنا : بيحصل !
الفيروس : أنا كمان جاي أضرب الفراخ و الاقتصاد المصري.. هياها يعني !!
احنا : دانت فيروس مثقف قوي.. طيب بلاش كلام في السياسة عشان الناس ماتزهقش..
الفيروس: زي ما تحب..
احنا : انت ازاي دخلت الأراضي المصرية ؟
الفيروس : بلاش كلام في النقطة دي لو سمحت.. أنا متسلل صحيح بس مش عايز مشاكل مع الداخلية الله يخليك..
احنا : يعني دخلت ازاي ؟
الفيروس: دخلت مع بطة مهاجرة وصلتني في طريقها .. أوتو ستوب يعني !
احنا : و ناوي تعمل ايه في مصر ؟
الفيروس : أبدا.. أنا باتكاثر على البط و الوز و الفراخ و الطيور الظريفة دي..
احنا : طيب مش ناوي تنتقل للبني ادمين ؟
الفيروس : لا طبعا ..
احنا : ليه ؟
الفيروس: شوف يا بيه .. احنا الفيروسات غاويين أذية صحيح , لكن مابنحبش نقطّع على بعض .. كلام في سرك كده .. أنا جربت أدخل جسم
مواطن مصري.. لقيت لما دخلت لقيت زملاء كتير قوي .. (التهاب كبدي و بائي) على (بلهارسيا) على (التهاب سحائي) على (سرطان) على
(سالمونيللا).. لقيت خلق كتير قوي يا بيه.. لقوني داخل عليهم قاموا وقفوا.. و خدوني على جنب.. و رنوني حتة علقة مكن ,خلتني أزرقّ..!!
شايف البشلة اللي في وشي دي ؟؟ إهي دي ضربة مطوة من الأخ (فشل كلوي) !
احنا : و بعدين ؟؟
الفيروس : أبدا.. بعد ما خدت العلقة التمام, قعدنا قعدة عرب.. و اتكلمنا كلام فيروسات من الآخر و اتفقنا على المفيد..
احنا : اتفقتوا على ايه بالضبط ؟
الفيروس: اتفقنا على إن انا مش من هنا و مش ابن بلد فلازم ألتزم بالأصول ..و ما قطّعش على الميكروبات المصرية الصميمة.. اتفقنا على قاعدة

صباح الخير يا جاري ,انت في حالك و انا في حالي
يعني بلاش تقطيع على بعض و خليني في الفراخ و العصافير و ما أهوبش ناحية منطقة
الميكروبات التانية.. أصلها أرزاق يا بيه و غلط ناخد رزق بعض عدم المؤاخذة..و ده اللي أعلنا عنه في المؤتمر الصحفي بعد المباحثات اللي اجريناها
مع بعض في أحد مقالب الزبالة..
احنا : تشرفنا بلقاءك يا سيد
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
.



المساهمات : 365
تاريخ التسجيل : 30/11/2011

مُساهمةموضوع: رد: حوار جامد جدا بين ..............الفيروس واحنا...............   الأربعاء فبراير 01, 2012 6:31 pm

ههههههههههههههههههههههههههههههههههههههههههههههههه
هههههههههههههههههههههههه

موضوع جامد هههههههههههههههههه

فطسنى من الضحك يخرب عقلك
لا حلوه وهو بيقول مش نقطع على بعض دى lol! Laughing
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
mrmr

avatar

المساهمات : 409
تاريخ التسجيل : 28/08/2011
العمر : 30

مُساهمةموضوع: رد: حوار جامد جدا بين ..............الفيروس واحنا...............   الجمعة فبراير 03, 2012 9:40 pm

modo3 katerrrrrrrrrrrrrr
gdn gdn gdn

hhhhhhhhhhhhhhhhhhhhaaaaaaaaaaaaaaaeeeeeeeeeee

begd faze33333333333333

hhhhhhhhhhhhhhhhhh

bs kman estfadna kteeeeeeeeeeeeeeeeeeeeeeeer
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
حوار جامد جدا بين ..............الفيروس واحنا...............
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مستنى اية ... شارك .. أكتب .. ناقش .. شير..عبر..its my life :: الأكاديمية والجامعة أجمل مافى حياتنا :: المعهد العالى للخدمة الإجتماعيــة بالمنصــورة-
انتقل الى: