مستنى اية ... شارك .. أكتب .. ناقش .. شير..عبر..its my life

facebook.com/deltauniv
 
الرئيسيةس .و .جبحـثالتسجيلالأعضاءالمجموعاتدخول

شاطر | 
 

 انا وانتوا والحب...ههههههه

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
الغرباء



المساهمات : 67
تاريخ التسجيل : 23/02/2012

مُساهمةموضوع: انا وانتوا والحب...ههههههه   الخميس فبراير 23, 2012 3:31 pm

يا جماعة والله كل واحد بيحب واحدة فاكرين انهم حاجة والحبيبة حاجة تانية وهو فاكر إانها حاجة والبنات حاجة يعني البنات اللي واقفة مع ولاد. وهي فاكرة إنه هو حاجة والشباب دول كلهم حاجة.كل واحد عايش في وهم يا جماعة دي قصة مكررة ده تمرين مشهور والله.بعد كده بقى إن إحنا حبنا برئ وحب طاهر والآخر يفضل حب طاهر يعني إيه؟؟ يعني منتكلمش في التليفون .شوية شوية الكلام في التليفون يجي.طبعا عما تكلمه في التليفون يكون وصلو ل 6 ساعات كل ليلة كان لها قصة وعما يكون مسك إديها كان لها قصة وعما خرج معاها كان لها قصة وعما بقت تقف له في البلكونة بتاعة بيتهم ويعدي من أدام بيتها كل يوم يوريها وشه السمح كان لها قصة كل حاجة!! درجة تانية انهار يا جماعة...
تيجي درجة تالتة انهيار للأسف لما تيجي أمها تتدخل في الموضوع تبدأ أمها تحس بتغيرات البنت تبدأ البنت تصارح مامتها أمها تقولها ماشي يا بنتي بس لازم أشوفه ولازم تورهولي.إبعتهولي الشغل عشان الموضوع يبقى بمبادرة الأم وتبدأ الأم تزكي إختيار بنتها وتقولها يا بنتي أنا إكتشفت إنك طالعة لأمك فعلا وإنك فعلا إنسانة بتعرفي تختاري.بس إبقي عرفيني كل حاجة عشان الموضوع يبقى في النور.هو كده في النور بس إوعي تقولي لأبوكي حاجة طبعا عشان أبوكي ميستحملش الكلام ده..فبعد فترة أمها تقولها هو بيقولك إيه يا بت.فتقولها والله يا ماما ده مبيقوليش حاجة خلاص ده كلامه كله والله محترم يا ماما..يا بت انتي هتضحكي على أمك يا بت قوليلي.ده أنا عايزة مصلحتك.ده أنا عارفة وساكته أهو أنا عاوزة مصلحتك.أحسن يكون بيضحك عليكي .بيضحك عليا إيه يا ماما.يا ماما ده إنتي مش عارفة بيقولي إيه.ده دايب في حبي دوب يا ماما هيموت من كتر الحب .يا بت طب بيقول عليا أنا إيه بقى ؟؟ده بيحبك حب يا ماما ده كل شوية يقولي ماما هي الخير والبركة .ماما الحمد لله.طبعا الواد كل عقل البت وأمها وده تالت انهيار حصل يا جماعة
ندخل في رابع إنهيار للأسف الشديد إحتجام قصة الحب الشديدة في الجامعة اللي واقف طول النهار في الجامعه ميبصش لصحابه غير سلامو عليكم وعليكم السلام.وبليل في التليفون وعلى طول خروج مع بعض تبدأ قصة الحب تحتجم...يروحلها مرة من المرات يقولها أنا معتش قادر أبعد عنك أنا خلاص أقسم بالله أنا عنت شايفك في منامي وأنا نايم عنت شايفك في كل حاجة وأنا ماشي عت باجي انادي على أبويا أنادي بإسمك. أنا عنت مش قادر أستحمل بعدك.طب وبعدين.يقولها أنا شب وإنتي شابة وإنتي شايفة الوضع والزنا حرام وإحنا حبنا طاهر ولازم يفضل طاهر ولازم نشوف حل طاهر يتناسب مع حبنا الطاهر ويتناسب مع مكالمات الليالي الطاهرة ويتناسب مع إيدي الطاهرة وهي بتتحط على إيدك اللي أطهر منها طب الحل إيه؟لازم يكون الحل يرضي ربنا.نتجوز عرفي عشان الزنا حرام يا بنتي طب هنتجوز ونتقابل فين.أنا ليا واحد صاحبي أمين..والله يا جماعة كلام يبكي يا جماعة..أنا ليا واحد صاحبي أمين وأهله مسافرين وهنتقابل هناك.شايفين يا جماعة الإنهيار والإنحطاط شايفين الانهيار والانحطاط وصل فين.ووممكن تبقى طالعة الشقة تقابله وصاحبه نازل من الشقة وتسلم عليه عااااااااااادي..إيه الإنهيار اللي في الكرامة اللي بتعرض نفسها ليه ده.وتفضل تتطور القصة..طب يابني اشمعنا البنت دي ما البنات ملية الشوارع.الشعاع اللي طالع من عنيها مش قادر أقاومه أصل دي شخصيتها.....إيه يا شباب المآسي دي...ونهاية قصة الحب دي إيه....ال2مليون قضية طلاق الموجودين في المحاكم.نهاية قصة الحب دي الخلافات الزوجية الهائلة دي نهاية قصة الحب دي..ماهي بتفضل البنت طول الجواز أعده تقارن في ذهنها مابين ...خدوا بالكوا ماهي مبتتجوزوش أصلا غالبا 99% مبيتجوزوش... بتتجوز واحد تاني وتفضل تقارن في ذهنها مابين الشاب اللي ضارب شعره جل وواخد المصروف من باباه ومالي جيبه فلوس واللي كان جايلها على سنجة عشرة ويقابلها في الجامعة ويدخل يقولها تحبي أعزمك في كنتاكي ولا كوك دوور.تقوله إنت رقيق أوووي إنت عرفت منين إني مكلتش من إمبارح.لا لا أصل عاملة ريجيم.يقولها أعزمك في كنتاكي.هو دافع مليم من جيبه؟ما ممكن متشاكل مع أبوه قبل ما ينزل عشان ياخد الفلوس دي منه ومقابلها ومبسوطين مع بعض.تفضل تقارن بينه ومابين واحد تاني زوجها اللي قاتل نفسه في الشغل ليل نهار وهو جاي من الشغل تعبان واللي بيحاسبها على الجنيه قبل ما يجي يوم 20 في الشهر.تفضل تقارن مابين صورة وهمية خيالية ومابين صورة واقعية وتفضل متعذبة طوووول حياتها..فتفضل تتأثر دنيتها
وهو الشاب أما يتجوز واحدة تانية يقارن أم برفان وأم شعر كل يومين كانت بتعمله عند الكوافير ومراته اللي.... ياجماعة بيفضلوا والله عايشين في شقاء طول عمرهم.بيخسروا عمرهم في الدنيا ويجوا في الآخرة يرفع لكل غادر لواء يوم القيامة.يقال هذه غدرة فلان.مش إنت غدرت بأبوها مش ده غدر يرفع ليكوا لواء يوم القيامة.وأتوا االبيوت من أبوابها مش إنت دخلت البيت من التليفون مش إنت دخلت من الشباك مش انت دخلت البيت من ظهره خلاص شوف يوم القيامة هيحصلك إيه.يحشر المرء مع من أحب يا جماعة المرء مع من أحب يا أخوات.يا اللي بتحب بنت متبرجة انت عارف يوم القيامة هتلاقي نفسك ماشي كده وسط صف طووووويل كله بنات واسترتشات وشعور منكوشة..أنا ايه اللي جابني وسط دووب ماهو انت اللي بتحبها من وسط دوول جابتك مع من أحببت يا حبيبي.إنت عارف البنت المتبرجة عارف هتبقى فين لو متابتش إلى الله؟ عارف هتبقى فين؟صنفان من امتي لا اراهما الصنف الثاني ونساء كاسيات عاريات يا جماعة البدي والجنز والاسترتش والشيفون والميزون والتييرات.مائلات مميلات.تسمع صوت ضحكة البنت وهي واقفة مع شلة الشباب والله العظيم ما هتضحكها لجوزها أما تتجوزه مائلات مميلات رءوسهن كأسنمة البخت المائلة.ماشية كده زي سنام الجمل سواء في الشكل بتاعه في التسريحات الهايشه او اللون بتاعه يصبغوه اصفر او ميش.آآآه سبحان الله لايقربن الجنة ولا يجدن ريحها وإن ريحها لتوجد من مسافة كذا وكذا..تستحملي الكلمة دي تتقالك يوم القيامة..مين اللي هيستحمل ده يا جماعة.تستحمل انك تبقى معايا في الموقف ده يوم القيامة.العنوهن فانهن ملعوانات..سبحان ربي....مش دي رواية عن الرسول الله صلى الله عليه وسلم..والبنت اللي بتحب شاب في بنات دلوقتي بتختار.. يعني والله يا جماعة في بنات وللأسف الشديد ان ممكن يكون بعض البنات في الدرس ممكن بعض البنات عاوزة ولد لابس نضارة سودة صغيرة والسيجارة في فمه والسلسلة في رقبته وفاتح زراير القميص كلها ماعدا زرار واحد ومسقط البنطلون وشايل محفظه في إيده وضارب شعره جل.ايه يا جماعة!! في بنات بتختار بناء على الازواق دي!!! انتي ايه اللي عاجبك ايه اللي حببك فيه؟ ريحة السجاير اللي في فمه اللي طفشت الملايكة منه ولا وشه الجميل اللي مسجدش لله ولا ساجده من رمضان اللي فات لغاية دلوقتي.عايزة تبقي معاه!! البنت اللي بتحب ولد تارك للصلاة أبشري يا اختي في الله انتي معه يوم القيامة البنت اللي بتحب ولد عق امه وابوه عشانها ابشري يا اختي انتي معه يوم القيامة.ابشروا يا جماعة اللي بتحب واحد مع بعض ومش هيتفرقوا بس مش في الدنيا لا يوم القيامة يوم ما هيبقى كل واحد منهم بيتمنى انم كنش اتخلق في الدنيا اللي التاني اتخلق فيها على الاطلاق .طب انا اللي بحبها محترمة وانا اللي بحبه محترم يا جماعة المحترم ده سد بينك وبين ربنا والمحترمة دي سد بينك وبين ربنا .طب ادينا حل عملي.تتقدم لابوها.هيرفض.خلاص قولها انا هبعد عنك وانتي تبعدي عني لغاية ما نتخرج وابقى قادر ان اتقدملك وانتي تصبري وان شاء الله هتقدملك بعد ما نتخرج
طب ماهي لو اتقدملها عريس ممكن هتاخده يبقى هتعرف حقيقة مشاعرها ناحيتك طب منا ممكن اخطب واحده غيرها يبقى هتعرف حقيقة مشاعرك ناحيتها عشان كل حاجة تتضح يا جماعة.ان رادوه اليكي.. ربنا رد لأم موسى ابنها وضناها من ايدين فرعون يا جماعة.لو دي فيها خير ليك ربنا هيجبهالك والله العظيم في الحلال ولو هو خير ليكي ربنا هيجبهولك في الحلال عايزين ناخد الحاجة باخلاص وطاعة لله مش بما حرم الله .عايزين قصص الحب المأسوية دي تنتهي يا جماعة لو بتحبها يبقى خاف عليها والله ما بتخاف عليها لأنك لو بتخاف عليها هتخاف عليها من جهنم يا حبيبي.ايوة يا جماعة انت كل لحظة بتقضيها معاها بتقربها من القبر خطوة ولحظة القبر د هاما روضة من رياض لجنة او حفرة من حفر النار يبقى كل لحظة بتقضوها سوا يا بتقربكوا خطوة لروضة الجنة او حفرة النار.كل نظرة بصتوها لبعض يا هتقربكوا خطوة من روضة الجنة او من حفرة النار كل فسحة كل مكالمة.كل ده بيتكتب عليكوا في التقارير وبيترفع فوق عند الله و الملف بتاع كل واحد بيكبر بيكبر وهيتحقق في تقرير يوم القيامة يا جماعة
احنا مش هنخاف من ربنا يا جماعة؟ اللي عنده علاقة ز يدي مش هيخاف من الله بقى ؟؟؟ واللي مش عنده علاقة زي دي مش هيغض البصر ويقلل الاختلاط.يا جماعة الحاجات دي عاوزينها تنتهي عاوزين عند النساء ينتهي حاجتين التبرج والسفور نخاف من ربنا بقى يا جماعة والحاجة التانية الاختلاط هو السفور الاخلاقي والتبرج الاخلاقي وايه يعني لو واحدة لبستلي نقاب ووقفتلي مع واحد في الجامعة ماهي كده بتاخد سيئات اشد 1000 مرة من اللي متبرجة عارية وبتتكلم مع واحد في الجامعة لأنها كده بتهين صورة الدين
وايه يعني لو انت جيت صليت دلوقتي وحضرت الدروس وانت لسه بتقف مع البنات في الجامعة؟؟
عايزين الشباب يا جماعة يمتنعوا عن الاختلاط عاوزينهم يغضوا ابصارهم يا جماعة هو ده الحل العملي
الشاب يقولي طب الحل العملي ايه للفتن اللي احنا فيها انت بتقول نعتزل مواطن الاثارة.ده مواطن الاثارة في الجامعه ومواطن الاثارة واحنا خارجين من الجامع ادامنا ومواطن الاثارة في الشارع وفي التليفزيون
اعتزل مواطن الاثارة قدر المستطاع واهم حاجة عني كدي تتقفل وعنيكي دي تبقى في الارض يا جماعة الفتن خطافة ودي جنة او نار.النص ساعة اللي بدأنا بيهم الدرس النهردة اللي اتكلمنا فيهم عن الجنة والنار دول يبقوا ادام عنينا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
esmaiel

avatar

المساهمات : 823
تاريخ التسجيل : 17/10/2011
العمر : 23
الموقع : on serameeeeeeeek

مُساهمةموضوع: رد: انا وانتوا والحب...ههههههه   الخميس فبراير 23, 2012 5:40 pm

جزاكى الله خيرا











انا عارف ان كل اللى بيعمل كده بيبقى ايمانه ضعيف


بس السؤال الغلط من ميييييييييين ؟؟؟؟؟؟
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
mrmr

avatar

المساهمات : 409
تاريخ التسجيل : 28/08/2011
العمر : 29

مُساهمةموضوع: رد: انا وانتوا والحب...ههههههه   السبت فبراير 25, 2012 2:00 am

انا وانتوا والحب...........

علي غرار انا والنجوم وهواك...................

هههههههههههه

مع اسامه منير..............

هههههههههههههههاااااااااااااااااايييييييييييييييييييييييييييي

bounce bounce bounce
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
انا وانتوا والحب...ههههههه
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مستنى اية ... شارك .. أكتب .. ناقش .. شير..عبر..its my life :: الأكاديمية والجامعة أجمل مافى حياتنا :: المعهد العالى للخدمة الإجتماعيــة بالمنصــورة-
انتقل الى: