مستنى اية ... شارك .. أكتب .. ناقش .. شير..عبر..its my life

facebook.com/deltauniv
 
الرئيسيةس .و .جبحـثالتسجيلالأعضاءالمجموعاتدخول

شاطر | 
 

 تخيلوا..شكلي من غيره وحشني اوووووي

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
الغرباء



المساهمات : 67
تاريخ التسجيل : 23/02/2012

مُساهمةموضوع: تخيلوا..شكلي من غيره وحشني اوووووي    الأحد مارس 04, 2012 1:37 pm

انا النهردة بكلمك انتي ايوة انتي .انتي اختي في الله. انتي اختي المسلمة واسمحيلي اني اكون اخوكي وعايزك تبقي واثقة تماما والله اني حريص عليكي والله خايف عليكي وعايزلك الخير واتمنى من كل قلبي انك تبقي في منتهى السعادة مرتاحة البال عايشة من غير هموم واحزان ومشاكل عاوزلك الجنة وان ربنا يكرمني واياكي برفقة النبي صلى الله عليه وسلم في الجنة والله هو ده غرضي بمنتهى الصدق والصراحة ولو سمحتيلي اني اكون اخوكي فاسمحيلي اني اغير عليكي ايوة انتي عرضي ولازم اصونك حتى لو من نفسك وابقى مشفق عليكي وخايف احسن تمشي في سكة تندمي عليها كتييييييييييييييير فيوم من الايام فاسمعيلي واقبلي مني الكلام
واحدة اتصلت بيا قالتلي انا خلعت الحجاب طب ليه مش عارفة انا حسيت إني كنت في صراع مابين حاجات كتيرررررر نفسي فيها الحاجات دي انا عارفة انها بتغضب ربنا لكن اعمل ايه انا متعودة على الحياة كده انا فشلت اني اكون انسانة ملتزمة ومكنش ناقص الا الحجاب فكان لازم اخلعه عشان اعيش بطبيعتي واخلص من الصراع ده بس
بصراحة شكلي من غير حجاب وحشني
قلتلها يعني انتي دلوقتي بقى مبسوطة وفرحانة ومستقرة نفسيا قالتلي لأ والا مكنتش كلمكتك
قلتلها تحبي اقولك الحل قالتلي قولي ارجوك قلتلها وتسمعي كلامي وتثقي فيا وفي اني مش عايز غير راحتك قالتي بالتأكيد بس ارجوك قولي كلام عملي وبلاش الانشا والكلام الروتيني. بس ممكن تسمحيلي انا برده انك تديني ف الاول قلبك اخاطب وجدانك قبل ما اخاطب عقلك ارجوكي تعالي في الاول نغرس في القلب معنى جميل من معاني الايمان وبعدين نشوف المشاكل اللي في دماغك اتفقنا؟؟قالت ماشي
اول حاجة عاوزة اسألك ومن غير زعل ربنا ربنا يمثل ليكي ايه في الحياة ؟تعرفيه كويس؟حسيتي قبل كده انك بتحبيه اووووي بتحبيه من كل قلبك انا متأكد ان جواكي مشاعر عظيمة جدااااااا تجاه ربنا ايوه حب ربنا الحب الحقيقي اللي يداوي القلب من كل افاته اللي يخلص الواحد مننا من كل مشاكله اصل لو انتي حبيتي ربنا من كل قلبك بجد ومحبتيش حد زيه هيكون ربنا قبليها حبك اه ما ربنا سبحانه وتعالى يقول (يحبهم ويحبونه) هو اللي بيبتدي بالمحبة وبعد كده تلاقي انتي نفسك بتحبيه وساعتها هتخلصي من كل المشاكل اللي انتي عايشة فيها اصل لو ربنا حبك هتبقي مؤمنة وساعتها الشبهات مش ممكن تقرب منك لأن قلبك هيبقى مليان باليقين والايمان .عارفه لو بقى اسمك عند ربنا فووق فلانة المؤمنة والله والله والله كل مشاكلك هتتحل وربنا هينصرك على نفسك وعلى الشيطان وساعتها ربنا هيدفع عنك اي حاجة متقربش منك ويدبرلك امرك يحفظ سمعك فساعتها مش هتسمعي الا اللي يرضيه ويحفظ بصرك فساعتها مش هتشوفي الا اللي يحبه يا سلام لما الواحد يحس انه محفوف من رحمة ربنا وحفظه لو حبك هتتقفل ادامك سكك المعاصي والذنوب لأنه لو حبك هيعتق رقبتك من النار فساعتها مش هتعرفي تعملي ذنب والحبيب لا يعذب حبيبه شفتي بقى لو ربنا حبك شكلك هيبقى عامل ازاي هتلاقي كل الدنيا بتحبك تروح الوحشة اللي بتبقى بينك وبين الناس تحسي بالسعادة والمتعه الحقيقية.
فلما النهرده تفكي الحجاب وانتي بتحبي ربنا وربنا بيحبك وانتي مش عايزة ان ربنا يغضب عليكي هتلاقي جواكي رغبة اكيدة في الرجوع بسرعه
تعالي بقى نتصور مع بعض لو ان ربنا حبك وبقيتي من عباد الله الصالحين يباهي بيكي الملايكة ويثني عليكي في الملأ الاعلى انا عايزك تعيشي معايا اللحظة دي بلاش بقى وساوس الشياطين ..انا عارف هيجي يقولك يا ستي سيبك من الراجل ده .دا شكله عايش في الاحلام ربنا يباهي بيا انا الملايكة ياشيخ انا بقولك انا فكيت الحجاب يعني اللي انت بتقوله ده بعيد اوووي اوووووي عني .. طب اديني امارة.هه..انا عمري ما هوصل للي انت بتقول عليه ده ابدا انا عمري ما حسيت إني ممكن ابقى كده دي مش سكتي انت ليه مش عايز تفهمني وانا اقولك طيب تعالي بس نتخيل
عارفة الجماعه بتوع علم الادارة بيقولوا ان تصور الهدف يمثل 50% من الطريق فتعالي نحس بقلوبنا المعاني الجميلة دي ومش
هتخسري حاجة اصلك لو حسيتي هتعرفي ولو عرفتي مش ممكن هتقدري تسيبي طريق ربنا هتحبيه بجد وهتبقي عاوزة تعملي اي حاجة عشان ترضيه شوفي اكيد طبعا خايفة من لحظة الحساب انتي واقفه ادام ربنا خجلانة مكسوفة.يقولك عملتي.اه وعملتي اه وعملتي اه يااااااااه لحظة صعبة اووي لا انا ولا انتي نقدر عليها .مش ساعات كتير بتحسي انك فاقدة الامان والحنان في زمانا ده والله والله عمرك ما هتلاقيها مهما غرك المناظر والمظاهر عند الناس مش هتلاقي المعاني دي المعاني الجميله دي الا مع ربنا اصل ربنا بيقول وحنانا من لدنا يعني الحنان عنده و الرحمة عنده
عايزك تناجيه عايزك تحسي بقربه منك ربنا بيقول ونحن اقرب اليه من حبل الوريد عايزك تعيشي معايا اللحظة الممتع دي في الثلث الاخير من الليل لما ربنا ينزل للسما ويقول هل من سائل هل من مستغفر هل من تائب..نفسك في حاجة. عايزة حاجة مني منفسكيش في حاجة مني خالص قولي وانا حديهولك .عايزك ساعتها تقوليله بحبك يارب مشتاقة لنظرة من وجهك الكريم يارب مش عايزة الا قربك يارب محبتك هي طلبي يارب يارب ارضى عني يارب انا عارفة اني غلطانة في حقك بس مليش غيرك يارب انت العفو فاعفو عني يارب اجعل حبك احب الي من نفسي ومن كل شئ يارب انت الكريم فإكرمني يارب ولا تهني انت الرحيم فارحمني ولا تعذبني يارب عذابي اني كنت محرومة منك يارب افتح ابواب رحمتك افتحلي ابواب فضلك يارب يااااارب ااااه اكيد نفسك ان ربنا يحبك شايفة لو ربنا حبك هتبقي عاملة ازاي انتي شايفة بقى لما تخالفيه وتعصيه وتعملي حاجات بتغضبه هيحبك؟احكمي انتي انا عاوز اسألك بمنتهى الصراحة جاوبيني ارجوكي قوليلي ايه المطلوب من ربنا ايه المطلوب من ربنا اكتر من اللي ادهولك ده ربنا بيتوددلك عشان تتوبي ليه وتستغفريه بعدين تروحي تعصيه وتغضبيه ربنا بيقولك أفلا يتوبون الى الله ويستغفرونه والله غفور رحيم بصي الحنان والرحمة بيقولك مش عايزة ترجعيلي ليه مش عايزة تستغفريلي ليه؟ألا تحبون ان يغفر الله لكم والله غفور رحيييييييييييم ..
فلما ربنا النهرده يديلك الجمال والصحة والشباب تروحي تقولي انا عاوزة استمتع بجمالي وشبابي بصراحة بقى الدين ده بيأيد حركتي مش مخليني بعرف اعيش مش مخليني اعيش زي منا عايزة انتي نسيتي ولا ايه نسيتي ان النعمة دي نعمته هو اللي ادهالك تروحي تغضبيه بالنعمة اللي هو ادهالك من الاول .عشان اديتك عقل تعرفي بيه نعمي عليكي وتستخدميه في طاعتي تروحي انتي مستخدماه في الاعتراض على شريعتي تعدي تقولي مينفعش صراحة المواضيع دي في الزمن اللي احنا عايشينه زمن البدي والميني جيب ازاي يعني تقولي حجاب ياعم ده كان زمان الكلام ده
بالله عليكي ترضي انه يتلعب بدينك اللي ربنا ائتمنك عليه ترضي انه يتلعب بيكي عشان يتهد في دينك ترضي؟ هو ده بقى عرفان الجميل اصطفاكي من وسط المليارات دي وطلعك مسلمة اوعي تفرطي في دينك .دينك دينك لحمك دمك وان قتلت او حرقت
لو انتى فعلاً شكلك من غير حجابك وحشك يلا روحى على دولابك والبسيه ولو مش عندك اشتريه عاوزك تخدى قرار شجاع وتعتبريه نصره لدينك وابعدى عنك كل وساوس الشيطان انتى تقدرى تلبسيه وتتغلبى على كل اللى انتى بتتحججى بيه بس 70% اراده وثقه انك ادها وأدود والله انتى فعلاً ادها عاوزك تنصرى نبيك أعدائنا بيهزأو نبيك وبيستهانوا بيه وبيكى كمسلمه عاوزك الخطوه اللى هتخديها دى تكون بنية نصرة حبيبك

ولو لسه حاسه انك مش ادها ونفسك تفتحى قلبك لحد من اخواتك وتتكلمى معاها احنا موجودين علشانك كلمينا على

monaya_rdak_yarb@yahoo.com


رابطة فتيات الاسلام
ملحوظة الايميل للبنات فقط

(للامانة الموضوع منقول)

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
تخيلوا..شكلي من غيره وحشني اوووووي
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مستنى اية ... شارك .. أكتب .. ناقش .. شير..عبر..its my life :: الأكاديمية والجامعة أجمل مافى حياتنا :: المعهد العالى للخدمة الإجتماعيــة بالمنصــورة-
انتقل الى: